“Бага наадам”-д Санжаадамба гурав дахь түрүүгээ хүртэв

Монгол түмний төрт ёсны их баяр, Билгийн тооллын XVII жарны “Алтан унжлагат” хэмээх гал Тахиа жилийн сар шинийн баярт зориулсан улс, аймгийн алдар цолтой хүчит 256 бөхийн уламжлалт барилдаан /2017.02.26/ үзүүштэй, дэлгэр сайхан боллоо...

“Бага наадам” хэмээн нэрлэгддэг энэхүү барилдааныг МҮБХ, Төрийн ёслолын алба, Бурхан шашинтны төв Гандантэгчинлин хийдтэй хамтран зохион байгуулдаг билээ.

Сар шинийн барилдаанд улсын дархан аварга Г.Өсөхбаяр, улсын аварга Г.Эрхэмбаяр, Ч.Санжаадамба, С.Мөнхбат, улсын арслан П.Бүрэнтгөс, Н.Батсуурь, Э.Оюунболд, Р.Пүрэвдагва, улсын гарьд Б.Гончигдамба, Ш.Жаргалсайхан, Ж.Бат-Эрдэнэ /Аварга-4,  арслан-4, гарьд-3, заан-4, харцага-16, начин-53, а.ц.а-96, а.ц.з-31, а.ц.х-36, а.ц.н-5, сумын цолтой-4/ нарын тэргүүтэй хүчтэнүүд ухаан бодол, ур чадвар, уран мэх, бяр хүч, авхаалж самбааг сорив.

“Нэгдэлчдийн” гэх тодотголтойгоор зохиогдож эхэлсэн сар шинийн баярын анхны барилдаан /1963/-д дархан аварга Ж.Мөнхбат /улсын заан цолтой/ түрүүлж, улсын аварга Ч.Бээжин /улсын арслан цолтой/ үзүүрлэж байсан түүхтэй. Харин өнгөрсөн жилийн барилдаанд улсын манлай харцага Ц.Содномдорж түрүүлж, улсын аварга Г.Эрхэмбаяр үзүүрлэсэн бол, өнөө жилийн барилдаанд:

Түрүү: Архангай аймгийн Хашаат сумын харьяат, “Бөхбилэгт” бөхийн дэвжээ, Хангарьд СХ, Алдар СХ, ЗХ-ний 032-р анги, “Ажнай корпораци”-ийн бөх улсын аварга Чимэдрэгзэнгийн САНЖААДАМБА

Үзүүр: Ховд аймгийн Буянт сумын харьяат, “Ховд” бөхийн дэвжээ, Хилчин СХ, ХЦ-ийн 0130-р анги, Хангарьд СХ, “ДЦС-III” ТӨХК, “Од групп”-ын бөх аймгийн арслан Оргихын ХАНГАЙ

Их шөвөгт: Завхан аймгийн Их-Уул сумын харьяат, “Даян” бөхийн дэвжээ, Алдар СХ, ЗХ-ний 013-р анги, “Жем Интернэшнл” ХХК–ийн бөх улсын гарьд Батнасангийн ГОНЧИГДАМБА; Хөвсгөл аймгийн Тосонцэнгэл сумын харьяат, “Хөвсгөлийн хүчтэн” бөхийн дэвжээ, Хилчин СХ, ХЦ-ийн 0108-р анги, “Монос групп”-ын бөх улсын үнэн зоригт, цогт гарамгай харцага Цэдэвийн СОДНОМДОРЖ нар шалгарав.

Дөрвийн даваа:

1. дар.а Г.Өсөхбаяр – а.з Ч.Эрдэнэсайхан

2. у.ав Г.Эрхэмбаяр – а.а Э.Ууганбаяр

3. у.ав Ч.Санжаадамба – а.а Д.Тамир

4. у.ав С.Мөнхбат – а.а Ш.Пүрэвгарьд

5. у.ар П.Бүрэнтөгс – а.а Н.Мустафа

6. у.ар Н.Батсуурь – а.а Б.Бат-Эрдэнэ

7. у.ар Э.Оюунболд – а.а О.Хангай

8. у.ар Р.Пүрэвдагва – а.а М.Бадарч

9. у.г Б.Гончигдамба – а.х.а Н.Золбоо

10. у.з Б.Пүрэвсайхан – а.х.а Ш.Мөнгөнбаатар

11. у.х Ц.Содномдорж – у.н Ш.Шинэбаяр

12. у.х Ө.Бат-Орших – у.н Ц.Одбаяр

13. у.х Т.Баасанхүү – у.н Ж.Чулуунбат

14. у.х Н.Түвшинбаяр – у.н Ч.Баянмөнх

15. у.х Н.Жаргалбаяр – у.н Э.Энхбат

16. у.х Б.Бат-Өлзий – у.х Х.Гантулга

Тавын даваа:

1. дар.а Г.Өсөхбаяр – у.н Э.Энхбат

2. у.ав Г.Эрхэмбаяр – у.х Н.Түвшинбаяр

3. у.ав Ч.Санжаадамба – у.х Б.Бат-Өлзий

4. у.ар П.Бүрэнтөгс – а.а Ш.Пүрэвгарьд

5. у.ар Н.Батсуурь – у.х Ө.Бат-Орших

6. у.ар Р.Пүрэвдагва – у.г Б.Гончигдамба

7. у.з Б.Пүрэвсайхан – а.а О.Хангай

8. у.х Ц.Содномдорж – у.х Т.Баасанхүү

Зургаагийн даваа:

1. у.ав Ч.Санжаадамба – у.н Э.Энхбат

2. у.г Б.Гончигдамба – а.а Ш.Пүрэвгарьд

3. у.х Ц.Содномдорж – у.х Н.Түвшинбаяр

4. у.х Ө.Бат-Орших – а.а О.Хангай

Долоогийн даваа:

1. у.ав Ч.Санжаадамба – у.г Б.Гончигдамба

2. у.х Ц.Содномдорж – а.а О.Хангай

Наймын даваа:

1. у.ав Ч.Санжаадамба – а.а О.Хангай 

“Бизкон Аудит” ХХК-ийн нэрэмжит “Чансаа өндөр, шилдэг бөх” шагналын эзэн: Архангай аймгийн Булган сумын харьяат, “Бөхбилэгт” бөхийн дэвжээ, Алдар СХ, ЗХ-ний 150-р анги, “Алтан дорнод Монгол” ХХК-ийн бөх улсын арслан Рэнцэнбямбын ПҮРЭВДАГВА

“Эрдэнэт хивс” ХК-ийн нэрэмжит “Ёс жудагтай бөх” шагналын эзэн: Булган аймгийн Могод сумын уугуул улсын заан Дамдинсүрэнгийн ЛХАГВАСҮРЭН 

“Улаанбаатар хивс” ХК-ийн нэрэмжит “Цахиур хагалах бөх” шагналын эзэн: Завхан аймгийн Баянтэс сумын харьяат, “Даян” бөхийн дэвжээ, Алдар СХ, “Ашид мөнхийн зам” ХХК-ийн бөх аймгийн арслан Шархүүгийн ПҮРЭВГАРЬД

МУГТ, дархан аварга А.Сүхбатын нэрэмжит “Ирээдүйн бөхийн аварга” шагналын эзэн: Төв аймгийн Баянчандмань сумын харьяат, “Дүнжингарав” дэвжээний бөх аймгийн арслан Эрдэнэбилэгийн УУГАНБАЯР