Эх орончдын өдрийн барилдаанд у.з Баасандорж түрүүллээ

Монгол улсад улс төрийн ууган хүчин Монгол Ардын Нам байгуулагдсаны 92 жил, “Эх орончдын өдөр”-т зориулсан улс, аймгийн алдар цолтой бөхийн уламжлалт барилдаан /2013.03.01/ болж өнгөрөв.

Өнгөрсөн жилийн барилдаанд улсын арслан Д.Ганхуяг түрүүлж, улсын гарьд Ж.Бат-Эрдэнэ үзүүрлэн, улсын заан Д.Рагчаа /улсын гарьд/, улсын начин Э.Энхбат /өсөх идэр/ нар их шөвөгт шалгаран барилдаж байв.

Өнөө жилийн барилдаанд улсын гарьд Н.Ганбаатар, улсын заан Д.Баасандорж, улсын харцага Л.Пүрэвжав, Т.Санчир, А.Бямбажав, улсын өсөх идэр начин Ж.Отгонбаяр, Б.Чинзориг, Б.Гончигдамба нарын тэргүүтэй улс, аймгийн алдар цолтой хүчит 208 бөх уран мэх, ухаан бодол, бяр хүчийг уралдуулан зодоглосноос:

Түрүү: Булган аймгийн Бүрэгхангай сумын харьяат, “Булганхангайн хүчтэнүүд” бөхийн дэвжээ, Хилчин СХ, ХЦ-ийн 0108-р анги, “Өрмөн-Уул” ХХК-ийн бөх улсын заан Дашзэвэгийн БААСАНДОРЖ

Үзүүр: Архангай аймгийн Булган сумын харьяат, “Бөх билэгт” бөхийн дэвжээ, Алдар СХ, ЗХ-ний 150-р анги, “Стройка” ХХК-ийн бөх улсын начин Рэнцэнбямбын Пүрэвдагва

Их шөвөгт: Увс аймгийн Хяргас сумын харьяат, “Увс нуур” бөхийн дэвжээ, Хүч СХ, “Дарханы төмөрлөгийн үйлдвэр” ТӨХК-ийн бөх улсын начин Сүхбаатарын БАТСУУРЬ., Баянхонгор аймгийн Баянбулаг сумын харьяат, “Их Богд” бөхийн дэвжээ, Сүлд СХ-ны бөх аймгийн арслан Болдын ЭРДЭНЭХҮҮ нар тус тус шалгаран барилдав.

Дөрвийн даваа:

1. у.г Н.Ганбаатар – а.н А.Хосбаяр

2. у.з Д.Баасандорж – а.х Д.Пүрэвдорж

3. у.х Л.Пүрэвжав – а.з Б.Чүлтэмпунцаг

4. у.х Т.Санчир – а.з Б.Бадамсүрэн

5. у.х А.Бямбажав – а.а Э.Оюунболд

6. у.н Б.Гончигдамба – а.а Б.Эрдэнэхүү

7. у.н Ду.Батбаяр – а.а Д.Энхбат

8. у.н Ж.Алтансүх – а.а Т.Баасанхүү

9. у.н Ч.Баянмөнх – ц.а Б.Ганзориг

10. у.н С.Багахүү – а.а Б.Хашбат

11. у.н С.Батсуурь – а.х.а Ш.Мөнгөнбаатар

12. у.н Б.Амарзаяа – у.н Ж.Амартүвшин

13. у.н Ц.Одбаяр – у.н Р.Пүрэвдагва

МАН-аас МБӨ-нд хүрэлцэн ирсэн улсын арслан Ц.Бадамсэрээжид, П.Дагвасүрэн, Л.Сосорбарам, М.Мөнгөн нарт хүндэтгэл үзүүлэв.

НАМОХ-оос Хэнтий аймгийн Өмнөдэлгэр сумын харьяат Аварга БТДС-ийн бөх аймгийн арслан Энхтөгсийн Оюунболд-д "Өсөх ирээдүйтэй бөх"-ийн шагналыг гардуулав. /а.а Э.Оюунболд с.з Ц.Мөнхбаяр, а.а М.Еркебулан, а.а Б.Суманчулуун, у.х А.Бямбажав нараар дөрөв давсан.../

Тавын даваа:

1. у.г Н.Ганбаатар – Гоц мөргөв

2. у.з Д.Баасандорж – у.н С.Багахүү

3. у.х Л.Пүрэвжав – а.а Б.Эрдэнэхүү

4. у.х Т.Санчир – у.н С.Батсуурь

5. у.н Ду.Батбаяр – а.а Э.Оюунболд

6. у.н Б.Амарзаяа – ц.а Б.Ганзориг

7. у.н Р.Пүрэвдагва – а.а Т.Баасанхүү

Зургаагийн даваа:

1. у.г Н.Ганбаатар – у.н С.Батсуурь

2. у.з Д.Баасандорж – Гоц мөргөв

3. у.н Ду.Батбаяр – а.а Б.Эрдэнэхүү

4. у.н Б.Амарзаяа – у.н Р.Пүрэвдагва

Долоогийн даваа:

1. у.з Д.Баасандорж – а.а Б.Эрдэнэхүү

2. у.н С.Батсуурь – у.н Р.Пүрэвдагва

 

Наймын даваа:

1. у.з Д.Баасандорж – у.н Р.Пүрэвдагва