Дорноговь аймгийн нэрэмжит барилдаанд а.а Л.Лха-Очир түрүүллээ

1935, 1936 оны АХ-ын 14, 15 жилийн ойд зодоглосон хүчит 720, 1024 бөхөөс тус бүр найм даван шөвгөрсөн Дорноговь аймгийн Сайхандулаан сумын харьяат, олон түмнээ “Гандангийн бүрхэг” хэмээн алдаршсан Гунгаагийн Намжилваанчиг арслангийн дурсгалд зориулсан Дорноговь аймгийн нэрэмжит АЦЦБЗБ-ийн энэ сарын ээлжит барилдаан /2011.11.20/ амжилттай, сайхан болж өнгөрөв.

Дорноговь аймгийн нэрэмжит барилдаан нь 2 дахь удаагаа зохиогдож байгаа бөгөөд анхны барилдааныг 2008.04.20-нд Говийн ноён хутагтын V дүр, нэрт шүлэгч, соён гэгээрүүлэгч, шинэтгэгч үзэлтэн, гүн ухаантан, догшин хутагт Агваанлувсанданзанравжаагийн түмэн өлзий гийсний 205 жилийн ойг тохиолдуулан зохион байгуулж байсныг тодхон санаж байна. Энэхүү барилдаанд хурц арслан Т.Баттөмөр (Завхан/Түдэвтэй), Ц.Содномдорж (Хөвсгөл/Тосонцэнгэл), Ж.Оргил (Завхан/Их-Уул), Р.Дамдин (Баянхонгор/Баацагаан), А.Сүмбээ (Булган/Бүрэгхангай), Ч.Эрдэнэчулуун (Архангай/Эрдэнэмандал) нарын тэргүүтэй аймаг, цэргийн цолтой болон залуу бөхчүүд оролцсон хүчит 256 бөх барилдсанаас:

Дунд шөвөгт (оноолтоор): хурц/а Ц.Содномдорж з/б О.Гантулга (Увс/Малчин), а/а Ш.Мөнгөнбаатар з/б Т.Буянжаргал (Дорноговь/Өргөн), а/а Л.Нямбаяр а/з Ч.Батчулуун, а/а Ө.Бат-Орших Ө.Даваабаатар., Их шөвөгт: хурц/а Ц.Содномдорж а/з Ч.Батчулууныг амлаж, а/а Ш.Мөнгөнбаатар, Ө.Даваабаатар нар тунав. Улмаар тэргүүн байрын төлөө уран барилдаант хоёр арслан шалгарч үлдсэн бөгөөд төд удалгүй Даваабаатар Содномдоржийн зүүн хөлд нь суун сэжиж цацан даваад барилдааны тэргүүн бөхөөр шалгарч байсан билээ...

Харин өнөөдрийн барилдаанд а.х.а Р.Пүрэвдагва, а.а Р.Дамдин, Д.Батжаргал, Ё.Эрдэнэжаргал, Б.Хашбат, Б.Батхуяг, Б.Дэлгэрсайхан нарын тэргүүтэй 256 хүчтэн уран мэхийг уралдуулснаас:

Түрүү: Завхан аймгийн Алдархаан сумын харьяат, “Завхан” бөхийн дэвжээ, “Ханан” группын бөх а.а Лхагваагийн ЛХА-ОЧИР

Үзүүр: Архангай аймгийн Булган сумын харьяат, “Бөх билэгт” бөхийн дэвжээ, Алдар СХ, ЗХ-ний 150-р анги, “ЭЭН” группын бөх а.х.а Ренчинбямбын ПҮРЭВДАГВА

Их шөвөгт: Дорноговь аймгийн Мандах сумын харьяат, “Хутагтын их хүчтэн” бөхийн дэвжээ, “Төмөрт транс” ХХК-ийн бөх а.а Ёндонгийн ЭРДЭНЭЖАРГАЛ, Дорнод аймгийн Баяндун сумын харьяат, “Дорнод нутаг” бөхийн дэвжээ, Дорнод аймгийн ЦХ, “МАК” сангийн бөх а.а Басгаадайн Батхуяг нар шалгаран үлдэв.

Тавын даваа:

1. а.х.а Р.Пүрэвдагва – а.з Д.Цэвэлсодном

2. а.а Ё.Эрдэнэжаргал – а.а Л.Нямбаяр

3. а.а Б.Хашбат – с.з Г.Ганжад

4. а.а Б.Батхуяг – а.н Б.Тайван

5. а.а Б.Дэлгэрсайхан – а.а Г.Ганням

6. а.а Б.Батдорж – а.з Б.Сугаржаргал

7. а.а Л.Лха-Очир – а.а Ш.Шинэбаяр

8. а.а Н.Батсуурь – а.н Т.Хайдав

/Тод: у.ар Г.Намжилваанчигийн нэрэмжит уран барилдааны тусгай шагналыг Төв аймгийн Сүмбэр сумын харьяат, “Дүнжингарав” бөхийн дэвжээний бөх с.з Г.Ганжадад Намжилваанчиг арслангийн хүү а.а Цогбадрах гардуулж баяр хүргэв/

Зургаагийн даваа:

1. а.х.а Р.Пүрэвдагва – а.н Т.Хайдав

2. а.а Ё.Эрдэнэжаргал – а.а Б.Дэлгэрсайхан

3. а.а Б.Батхуяг – с.з Г.Ганжад

4. а.а Б.Батдорж – а.а Л.Лха-Очир

Долоогийн даваа:

1. а.х.а Р.Пүрэвдагва – а.а Б.Батхуяг

2. а.а Ё.Эрдэнэжаргал – а.а Л.Лха-Очир

Наймын даваа:

1. а.х.а Р.Пүрэвдагва – а.а Л.Лха-Очир