“Монгол бахархлын өдөр”-ийн барилдаанд улсын арслан Пүрэвдагва түрүүлэв

Их Эзэн Богд Чингис хааны мэндэлсэн өдрийг “билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн нэгний өдөр” хэмээн эрдэмтэн, судлаачдын судалгааг иш үндсэн болгон тогтоосон болно. Эл өдрийг “МОНГОЛ БАХАРХЛЫН ӨДӨР” хэмээн нэрийдэж, бүх нийтээр ёслон тэмдэглэж байхаар тогтоод таван оныг үзэж байна.

Их Эзэн Богд Чингис хааны мэндэлсний 854 жилийн ой, “Монгол бахархлын өдөр”-т зориулсан чансаа өндөр шилдэг 128 бөхийн тав дахь удаагийн барилдаан /2016.10.31/ үзүүштэй сайхан болов.

Анхны барилдаан /2012.11.13/-д 256 бөх уран мэхийн уралдуулахад улсын заан Ч.Санжаадамба /у.ав/ түрүүлж, улсын харцага Ц.Содномдорж үзүүрлэн, улсын арслан Г.Эрхэмбаяр /у.ав/, П.Бүрэнтөгс нар их шөвөгт шалгарч байсан бол хоёр дахь удаагийн шилдэг 128 бөхийн барилдаан /2013.11.04/-д улсын заан Ч.Санжаадамба /у.ав/ хоёр дахь түрүүгээ хүртэж, улсын аварга С.Мөнбат үзүүрлэн, улсын арслан Х.Мөнхбаатар, улсын харцага Ө.Бат-Орших нар их шөвөгт; гурав дахь удаагийн барилдаан /2014.11.23/-д улсын харцага Ө.Бат-Орших түрүүлж, улсын аварга С.Мөнхбат үзүүрлэн, улсын гарьд Б.Гончигдамба, улсын харцага Ц.Содномдорж нар тус тус шөвгөрч байв.

Харин дөрөв удаагийн буюу өнгөрсөн жилийн барилдаан /2015.11.12/-д улсын арслан П.Бүрэнтөгс түрүүлж, улсын начин Л.Цэрэнтогтох /өсөх идэр/ үзүүрлэн, улсын заан Б.Батмөнх, аймгийн арслан Ч.Хөхчирэнгэр /у.н/ нар шөвгөрсөн бол өнөө жилийн барилдаанд улсын арслан П.Бүрэнтөгс, Н.Батсуурь, Р.Пүрэвдагва, улсын гарди Б.Гончигдамба, улсын заан Д.Баасандорж, Б.Батмөнх, Б.Пүрэвсайхан, Б.Соронзонболд, улсын харцага Ө.Бат-Орших нарын тэргүүтэй улс, аймгийн алдар цолтой шилдэг, чансаа өндөр 128 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Архангай аймгийн Булган сумын харьяат, “Бөх Билэгт” бөхийн дэвжээ, Алдар СХ, ЗХ-ний 150-р анги, “Алтан дорнод Монгол” ХХК-ийн бөх улсын арслан Рэнцэнбямбын Пүрэвдагва

Үзүүр: Дундговь аймгийн Эрдэнэдалай сумын харьяат, “Түшээт ханы Аварга” бөхийн дэвжээ, Алдар СХ, Хангарьд спорт клубын бөх улсын начин Эрдэнэбатын ДАШ

Их шөвөгт: Завхан аймгийн Их-Уул сумын харьяат, “Даян” бөхийн дэвжээ, Алдар СХ, ЗХ-ний 013-р анги, “Жем Интернэшнл” ХХК–ийн бөх улсын гарьд Батнасангийн ГОНЧИГДАМБА; Булган аймгийн Могод сумын харьяат, “Булганхангайн хүчтэнүүд” бөхийн дэвжээ, Хангарьд СХ, “UFC групп”-ын бөх улсын өсөх идэр, өрнөн дэлгэрэх начин Эрдэнэбилэгийн ЭНХБАТ нар шалгарав.

Гурвын даваа:

1. у.ар Н.Батсуурь – а.а Б.Хадбаатар

2. у.ар Р.Пүрэвдагва – а.а Ж.Алтаншагай

3. у.г Б.Гончигдамба – а.х.а Ш.Мөнгөнбаатар

4. у.з Б.Батмөнх – а.з М.Бямбадорж

5. у.з Б.Пүрэвсайхан – а.а Т.Сайханжаргал

6. у.з Б.Соронзонболд – у.н Ц.Одбаяр

7. у.х Б.Бат-Өлзий – а.н Х.Цогтгэрэл

8. у.х Х.Гантулга – а.х.а О.Гантулга

9. у.н Э.Энхбат – а.а Х.Оргилболд

10. у.н И.Ёндонсамбуу – а.з М.Даваасүрэн

11. у.н Л.Лха-Очир – а.а П.Баярхүү

12. у.н Г.Баасандорж – а.а Б.Бат-Эрдэнэ

13. у.н Ч.Ганзориг – а.а Б.Хаш-Эрдэнэ

14. у.н Э.Даш – у.н Б.Чимэдвандан

15. у.н Д.Амарсайхан – а.а Цэ.Мөнхбаяр
16. а.х.а Б.Эрдэнэхүү – а.х.а Н.Золбоо 

Дөрвийн даваа:

1. у.ар Н.Батсуурь – а.н Х.Цогтгэрэл

2. у.ар Р.Пүрэвдагва – а.з М.Даваасүрэн

3. у.г Б.Гончигдамба – а.а Цэ.Мөнхбаяр

4. у.з Б.Батмөнх – а.а Б.Бат-Эрдэнэ

5. у.з Б.Пүрэвсайхан – а.х.а Н.Золбоо

6. у.з Б.Соронзонболд – у.н Э.Даш

7. у.х Х.Гантулга – у.н Ч.Ганзориг

8. у.н Э.Энхбат – у.н Л.Лха-Очир

Тавын даваа:

1. у.ар Н.Батсуурь – у.н Э.Энхбат

2. у.ар Р.Пүрэвдагва – у.х Х.Гантулга

3. у.г Б.Гончигдамба – у.з Б.Батмөнх

4. у.з Б.Пүрэвсайхан – у.н Э.Даш

Зургаагийн даваа:

1. у.ар Р.Пүрэвдагва – у.н Э.Энхбат

2. у.г Б.Гончигдамба – у.н Э.Даш

Долоогийн даваа:

1. у.ар Р.Пүрэвдагва – у.н Э.Даш