БНУ-ыг тунхагласны 92 жилийн ойн барилдаанд улсын аварга Санжаадамба түрүүлэв

Анхдугаар Үндсэн хуулийг баталж, БНУ-ыг тунхагласны 92 жилийн ойд зориулсан уламжлалт үндэсний бөхийн барилдаан /2016.11.26/ болов. 

Анхдугаар Үндсэн хууль батлагдсаны түүхт 60 жилийн ойгоор буюу 1984 онд анхны барилдааныг зохион байгуулахад улсын дархан аварга Х.Баянмөнх түрүүлж, улсын арслан Д.Хадбаатар /у.ав/ үзүүрлэж байсан түүхтэй. Ингээд уг барилдаан зургаан жил завсарласны хойно 1990 оноос тогтмолжсон байна. 1990 оны барилдаанд улсын дархан аварга Б.Бат-Эрдэнэ (хамгийн олон удаа буюу нийт зургаа /1990, 1992, 1993, 1997, 1998, 1999/ түрүүлсэн) түрүүлж, улсын арслан М.Мөнгөн үзүүрлэн, улсын заан Д.Баяраа /у.г/ шөвгөрч байв.

Өнгөрсөн жилийн барилдаанд улсын заан Ч.Санжаадамба /у.ав/ гурав дахь удаагаа түрүүлж, улсын арслан П.Бүрэнтөгс үзүүрлэн, улсын арслан Н.Батсуурь, улсын гарьд Б.Гончигдамба нар их шөвөгт шалгаран барилдсан.

Харин өнөө жилийн барилдаанд улсын аварга Ч.Санжаадамба, улсын арслан П.Бүрэнтөгс, Н.Батсуурь, Р.Пүрэвдагва улсын гарьд Б.Гончигдамба, улсын заан Д.Баасандорж, Б.Пүрэвсайхан, улсын харцага Ц.Содномдорж нарын тэргүүтэй улс, аймгийн алдар цолтой хүчит 256 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Архангай аймгийн Хашаат сумын харьяат, “Бөх Билэгт” бөхийн дэвжээ, Хангарьд СХ, Алдар СХ, ЗХ-ний 032-р анги, “Ажнай корпораци”-ийн бөх улсын аварга Чимэдрэгзэнгийн САНЖААДАМБА

Үзүүр: Увс аймгийн Давст сумын харьяат, “Увс нуур” бөхийн гал, Алдар СХ, ЗХ-ний 350-р анги, “ДЦС-IV” ТӨХК, “Гацуурт групп”-ын бөх улсын арслан Пүрэвийн БҮРЭНТӨГС

Их шөвөгт: Увс аймгийн Ховд сумын харьяат, “Увс нуур” бөхийн гал, Аврагч СХ, Сүхбаатар аймгийн ОБГ, “ДЦС-III” ТӨХК, “Химон констракшн” ХХК-ийн бөх улсын арслан Намсрайжавын Батсуурь; Булган аймгийн Сайхан сумын харьяат, “Булганхангайн хүчтэнүүд” дэвжээний бөх, МУ-ын Хөдөлмөрийн баатар, гавьяат тамирчин, улсын харцага Найдангийн ТҮВШИНБАЯР нар шалгарав.

Дөрвийн даваа:

1. у.ав Ч.Санжаадамба – а.н Х.Цогтгэрэл

2. у.ар П.Бүрэнтөгс – а.н Б.Батдорж

3. у.ар Н.Батсуурь – а.х О.Наранбаатар

4. у.ар Р.Пүрэвдагва – а.х Б.Доржсүрэн

5. у.г Б.Гончигдамба – а.х Д.Пүрэвдорж

6. у.з Д.Баасандорж – а.з М.Бямбадорж

7. у.з Б.Пүрэвсайхан – а.з М.Даваасүрэн

8. у.х Ц.Содномдорж – а.з Ч.Эрдэнэсайхан

9. у.х Н.Батзаяа – а.а Б.Даваа-Очир

10. у.х Т.Баасанхүү – а.а П.Мөнхбат

11. у.х Н.Түвшинбаяр – а.а Т.Бэгзсүрэн

12. у.н Э.Энхбат – а.а Б.Тайван

13. у.н Н.Бүрэнбаатар – а.а Б.Серик

14. у.н Б.Амарзаяа – а.а М.Бадарч

15. у.н Ж.Чулуунбат – а.х.а Н.Золбоо

16. у.н Э.Даш – у.н Д.Анар

Тавын даваа:

1. у.ав Ч.Санжаадамба – а.а Б.Серик

2. у.ар П.Бүрэнтөгс – у.х Н.Батзаяа

3. у.ар Н.Батсуурь – у.н Б.Амарзаяа

4. у.ар Р.Пүрэвдагва – у.з Д.Баасандорж

5. у.г Б.Гончигдамба – у.х Н.Түвшинбаяр

6. у.з Б.Пүрэвсайхан – у.н Э.Даш

7. у.х Ц.Содномдорж – а.х.а Н.Золбоо

8. у.х Т.Баасанхүү – у.н Э.Энхбат

Зургаагийн даваа:

1. у.ав Ч.Санжаадамба – а.х.а Н.Золбоо

2. у.ар П.Бүрэнтөгс – у.ар Р.Пүрэвдагва

3. у.ар Н.Батсуурь – у.х Т.Баасанхүү

4. у.з Б.Пүрэвсайхан – у.х Н.Түвшинбаяр

Долоогийн даваа:

1. у.ав Ч.Санжаадамба – у.х Н.Түвшинбаяр

2. у.ар П.Бүрэнтөгс – у.ар Н.Батсуурь

Наймын даваа:

1. у.ав Ч.Санжаадамба – у.ар П.Бүрэнтөгс