“Чингэлтэй хайрханы хишиг барилдаан-9”-д аймгийн арслан Б.Бат-Өлзий түрүүлэв

Дөрвөн уулын хишиг барилдааны 2015-2016 оны отгон буюу 4 дэх нь болох “Чингэлтэй хайрханы хишиг барилдаан-9” /2016.06.12/ болж өндөрлөв. Барилдааныг “Ард даатгал” ХХК МҮБХ-той хамтран зохион байгуулав.

2008 оны анхны барилдаанд улсын харцага Т.Мөнгөнцоож түрүүлж, улсын начин Ду.Батбаяр үзүүрлэн, улсын арслан Д.Азжаргал, улсын заан Д.Рагчаа /у.г/ нар их шөвөгт шалгарч байсан бол өнгөрсөн жилийн 8 дахь удаагийн барилдаан /2015.06.07/-д улсын аварга Г.Эрхэмбаяр түрүүлж, улсын арслан Н.Батсуурь үзүүрлэн, улсын өсөх идэр начин Р.Пүрэвдагва, аймгийн арслан Э.Даш /у.н/ нар их шөвөгт тус тус шалгаран барилдаж байв.

Өнөө жилийн 9 дэх удаагийн барилдаанд улсын аварга Г.Эрхэмбаяр, улсын арслан Х.Мөнхбаатар, Н.Батсуурь, улсын заан Б.Соронзонболд, улсын харцага Б.Пүрэвсайхан нарын тэргүүтэй улс, аймгийн алдар цолтой хүчит 224 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Ховд аймгийн Зэрэг сумын харьяат, “Ховд” бөхийн дэвжээ, Алдар СХ, ЗХ-ний 350-р анги, “Монтед констракшн” ХХК-ийн бөх аймгийн арслан Баярхүүгийн БАТ-ӨЛЗИЙ

Үзүүр: Баянхонгор аймгийн Баянбулаг сумын харьяат, “Их Богд” бөхийн дэвжээ, Хүч СХ, “Мөнхийн үсэг групп”-ын бөх, ОУХМ аймгийн арслан Нацагсүрэнгийн ЗОЛБОО

Их шөвөгт: Сэлэнгэ аймгийн Мандал сумын харьяат, “Таван хан” бөхийн дэвжээ, Аврагч СХ, “Ноёд групп”, “Мондэ” ХХК-ийн бөх улсын аварга Гунаажавын ЭРХЭМБАЯР; Архангай аймгийн Булган сумын харьяат, “Бөхбилэгт” бөхийн дэвжээ, Алдар СХ, ЗХ-ний 150-р анги “Их Засаг” ОУИС, “Хера холдинг” ХХК-ийн бөх улсын өсөх идэр начин Рэнцэнбямбын Пүрэвдагва нар шалгарав.

Дөрвийн даваа:

1. у.ав Г.Эрхэмбаяр – а.н Т.Ядамсүрэн

2. у.ар Х.Мөнхбаатар – а.х Б.Зоригтбаатар

3. у.ар Н.Батсуурь – а.з Л.Батсайхан

4. у.з Б.Соронзонболд – а.з Ч.Эрдэнэсайхан

5. у.х Б.Пүрэвсайхан – а.а Н.Баярбаатар

6. у.х Ж.Амартүвшин – а.а Ц.Мөнхбаяр

7. у.н Р.Пүрэвдагва – а.а А.Хосбаяр

8. у.н Л.Гантулга – а.а Ш.Пүрэвгарьд

9. у.н Ч.Батчулуун – а.а Ц.Чимэддорж

10. у.н Э.Даш – а.а Н.Золбоо

11. а.х.а Д.Цэвэлсодном – а.а Т.Пүрэвсүрэн

12. а.х.а Б.Эрдэнэхүү – а.а Б.Бат-Өлзий

13. а.х.а Ө.Сүхбат – а.а П.Баярхүү
14. ц.а Л.Батзориг – а.а Го.Отгонбаатар

Тавын даваа:

1. у.ав Г.Эрхэмбаяр – а.х.а Д.Цэвэлсодном

2. у.ар Х.Мөнхбаатар – ц.а Л.Батзориг

3. у.ар Н.Батсуурь – а.а Б.Бат-Өлзий

4. у.з Б.Соронзонболд – а.х.а Ө.Сүхбат

5. у.х Б.Пүрэвсайхан – а.а Ц.Мөнхбаяр

6. у.н Р.Пүрэвдагва – у.н Ч.Батчулуун

7. а.а Н.Золбоо – а.а Ш.Пүрэвгарьд

Зургаагийн даваа:

1. у.ав Г.Эрхэмбаяр – Гоц мөргөв

2. у.ар Х.Мөнхбаатар – а.а Б.Бат-Өлзий

3. у.з Б.Соронзонболд – а.а Н.Золбоо

4. у.х Б.Пүрэвсайхан – у.н Р.Пүрэвдагва

Долоогийн даваа:

1. у.ав Г.Эрхэмбаяр – а.а Б.Бат-Өлзий

2. у.н Р.Пүрэвдагва – а.а Н.Золбоо

Наймын даваа:

1. а.а Б.Бат-Өлзий – а.а Н.Золбоо