“Наадмын сорилго-2016” барилдаанд у.н Баасанхүү түрүүлжээ

Шүүхийн шийдвэр гүйцэтгэх ерөнхий газрын 95 жилийн ойд зориулсан  “Наадмын сорилго” уламжлалт барилдаан /2016.06.26/ болов.

Өнгөрсөн жилийн барилдаан /2015.06.28/-д улсын харцага Ө.Бат-Орших түрүүлж, улсын заан Б.Батмөнх үзүүрлэн, улсын харцага Ө.Даваабаатар, аймгийн арслан Н.Золбоо нар их шөвөгт шалгаран барилдаж байв.

Харин өнөө жилийн барилдаанд улсын арслан Х.Мөнхбаатар, улсын гарди Ж.Бат-Эрдэнэ, улсын заан Б.Батмөнх, Б.Соронзонболд нарын тэргүүтэй улс, аймгийн алдар цолтой хүчит 128 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Увс аймгийн Тэс сумын харьяат, “Увс нуур” бөхийн гал, Сүлд СХ, БХИС, “Кореа оптик Монголиа” ХХК-ийн бөх улсын начин Төрөөгийн БААСАНХҮҮ

Үзүүр: Баянхонгор аймгийн Баянбулаг сумын харьяат, “Их Богд” бөхийн дэвжээ, Хангарди СХ, Хилчин СХ, ХЦ-ийн 0198-р анги, “Эрин гүрэн” ХХК-ийн бөх аймгийн хурц арслан Болдын ЭРДЭНЭХҮҮ

Их шөвөгт: Говь-Алтай аймгийн Цээл сумын харьяат, “Хантайшир” бөхийн дэвжээ, Хилчин СХ, “Алтай констракшн” ХХК-ийн бөх улсын гарди Жанцангийн БАТ-ЭРДЭНЭ; Өвөрхангай аймгийн Хужирт сумын харьяат, “Их Монголын хүчтэн” дэвжээний бөх улсын начин Болдпүрэвийн СУГАРЖАРГАЛ нар шалгарав.

Дөрвийн даваа:

1. у.ар Х.Мөнхбаатар – а.а Т.Сайханжаргал

2. у.г Ж.Бат-Эрдэнэ – а.а Ч.Хөхчирэнгэр

3. у.з Б.Батмөнх – а.а Т.Пүрэвсүрэн

4. у.х А.Цацабшир  – а.а М.Бадарч

5. у.н Р.Пүрэвдагва – а.х.а Н.Жаргалбаяр

6. у.н Л.Нямсүрэн – а.х.а Б.Эрдэнэхүү

7. у.н Б.Сугаржаргал – а.х.а Ш.Мөнгөнбаатар

8. у.н Л.Цэрэнтогтох – у.н Т.Баасанхүү

Тавын даваа:

1. у.ар Х.Мөнхбаатар – у.н Б.Сугаржаргал

2. у.г Ж.Бат-Эрдэнэ – а.а Т.Пүрэвсүрэн

3. у.х А.Цацабшир  – у.н Т.Баасанхүү

4. а.х.а Б.Эрдэнэхүү – а.х.а Н.Жаргалбаяр

Зургаагийн даваа:

1. у.г Ж.Бат-Эрдэнэ – а.х.а Б.Эрдэнэхүү

2. у.н Б.Сугаржаргал – у.н Т.Баасанхүү

Долоогийн даваа:

1. у.н Т.Баасанхүү – а.х.а Б.Эрдэнэхүү