“Монгол бахархлын өдөр”-ийн барилдаанд у.ар Бүрэнтөгс түрүүлэв

Их Эзэн Богд Чингис хааны мэндэлсэн өдрийг билгийн тооллын гуравдугаар жарны усан морин жил буюу 1162 оны өвлийн тэргүүн сарын шинийн 1-ний өдөр хэмээн тогтоож, уг өдрийг “Монгол бахархлын өдөр” хэмээн нэрийдэж, бүх нийтээр ёслон тэмдэглэж байхаар тогтоод дөрвөн оныг үзэж байна. Их Эзэн Богд Чингис хааны мэндэлсний 853 жилийн ой, “Монгол бахархлын өдөр”-т зориулсан чансаа өндөр шилдэг 128 бөхийн барилдаан /2015.11.12/ сайхан болов.

Анхны барилдаан /2012.11.13/-д 256 бөх зодоглосноос улсын заан Ч.Санжаадамба түрүүлж, улсын харцага Ц.Содномдорж үзүүрлэн, улсын арслан Г.Эрхэмбаяр /у.ав/, П.Бүрэнтөгс нар их шөвөгт шалгарч байсан бол хоёр дахь удаагийн барилдаан /2013.11.04/-д шилдэг 128 бөх барилдаж, улсын заан Ч.Санжаадамба 2 дахь түрүүгээ хүртэж, улсын аварга С.Мөнбат үзүүрлэн, улсын арслан Х.Мөнхбаатар, улсын харцага Ө.Бат-Орших нар шөвгөрч байв.

Харин гурав дахь удаагийн буюу өнгөрсөн жилийн барилдаан /2014.11.23/-д улсын харцага Ө.Бат-Орших түрүүлж, улсын аварга С.Мөнхбат үзүүрлэн, улсын гарди Б.Гончигдамба, улсын харцага Ц.Содномдорж нар шөвгөрсөн бол өнөө жилийн барилдаанд улсын арслан П.Бүрэнтөгс, Н.Батсуурь, улсын гарди Б.Гончигдамба, улсын заан М.Өсөхбаяр, Б.Батмөнх, Б.Соронзонболд, улсын харцага Ц.Содномдорж, Ө.Бат-Орших нарын тэргүүтэй улс, аймгийн алдар цолтой шилдэг, чансаа өндөр 128 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Увс аймгийн Давст сумын харьяат, “Увс нуур” бөхийн гал, Алдар СХ, ЗХ-ний Энхийг сахиулах 350-р анги, “ДЦС-IV” ТӨХК, “Гацуурт групп”-ын бөх улсын арслан Пүрэвийн БҮРЭНТӨГС

Үзүүр: Говь-Алтай аймгийн Цогт сумын харьяат, “Хантайшир” бөхийн дэвжээ, Хилчин СХ, ХЦ-ийн 0119-р анги, “Гео Мандал” ХХК-ийн бөх улсын начин Лувсандоржийн ЦЭРЭНТОГТОХ

Их шөвөгт: Төв аймгийн Баянхангай сумын харьяат, “Дүнжингарав” бөхийн дэвжээ, Аврагч СХ, “Голден хаммер” ХХК-ийн бөх улсын заан Батзоригийн БАТМӨНХ; Хөвсгөл аймгийн Галт сумын харьяат, “Хөвсгөлийн хүчтэн” бөхийн дэвжээ, Хилчин СХ, ХЦ-ийн 0253-р анги, “БльюМон групп”, “Шижир гоулд” ХХК-ийн бөх аймгийн арслан Чинчулууны ХӨХЧИРЭНГЭР нар шалгарав.

Гурвын даваа:

1. у.ар П.Бүрэнтөгс –а.з Э.Нямаа

2. у.ар Н.Батсуурь – а.х Г.Энхбилэг

3. у.з М.Өсөхбаяр – а.а Б.Хадбаатар

4. у.з Б.Батмөнх – а.а Б.Тайван

5. у.х Ц.Содномдорж – а.з Ш.Мөнх-Од

6. у.х Ө.Бат-Орших – а.з М.Даваасүрэн

7. у.х Н.Батзаяа – а.а Б.Баатарцол

8. у.х Б.Одгэрэл – ц.а Л.Батзориг

9. у.н Ш.Уламбаяр –а.а Ж.Алтаншагай

10. у.н Л.Цэрэнтогтох – а.а Х.Оргилболд

11. у.н Т.Баасанхүү – а.а Х.Гантулга

12. у.н Б.Бадамсүрэн – а.а Д.Амарсайхан

13. у.н Б.Батжаргал – а.х.а О.Гантулга

14. у.н Э.Даш – а.а Ч.Хөхчирэнгэр

15. а.х.а Ш.Мөнгөнбаатар – а.а О.Хангай

16. а.х.а Б.Эрдэнэхүү – а.х.а Н.Жаргалбаяр

Дөрвийн даваа:

1. у.ар П.Бүрэнтөгс – а.з Ш.Мөнх-Од

2. у.ар Н.Батсуурь – а.а Х.Гантулга

3. у.з М.Өсөхбаяр – а.а Ч.Хөхчирэнгэр

4. у.з Б.Батмөнх – а.а О.Хангай

5. у.х Б.Бат-Орших – а.х.а Н.Жаргалбаяр

6. у.х Н.Батзаяа – у.н Б.Батжаргал

7. у.х Б.Одгэрэл – у.н Б.Бадамсүрэн

8. у.н Ш.Уламбаяр – у.н Л.Цэрэнтогтох

Тавын даваа:

1. у.ар П.Бүрэнтөгс – у.н Б.Бадамсүрэн

2. у.ар Н.Батсуурь – а.а Ч.Хөхчирэнгэр

3. у.з Б.Батмөнх – у.х Ө.Бат-Орших

4. у.н Л.Цэрэнтогтох – у.н Б.Батжаргал

Зургаагийн даваа:

1. у.ар П.Бүрэнтөгс – а.а Ч.Хөхчирэнгэр

2. у.з Б.Батмөнх – у.н Л.Цэрэнтогтох

Долоогийн даваа:

1. у.ар П.Бүрэнтөгс – у.н Л.Цэрэнтогтох