Шинэ улирлын нээлтийн барилдаанд Шинэ арслан Оюунболд түрүүлж, Бүрэнтөгс үзүүрлэв

Монгол улсад байнгын ажиллагаатай Парламент байгуулагдсаны 25 жилийн ойд зориулсан 2015-2016 оны намрын улирлын нээлтийн барилдаан /2015.09.013/ МБӨ-нөө болж өндөрлөлөө.

Урд жилүүдийн Нээлтийн барилдааны түүхийг эргэн харвал:

2010-2011 он: Монгол улсад барилгын салбар үүссэний 84 жил, Барилгачдын холбоо байгуулагдсаны 20 жилийн ойд зориулсан 128 бөхийн барилдаанд цэргийн хурц арслан Ч.Санжаадамба түрүүлж, улсын гарди Н.Ганбаатар үзүүрлэн, улсын заан М.Өсөхбаяр, улсын харцага Д.Баасандорж нар шөвгөрч байв.

2011-2012 он: Монгол улсад барилгын салбар үүсч хөгжсөний 85, Барилгачдын холбоо байгуулагдсаны 21 жилийн ойд зориулсан улс, аймгийн алдар цолтой 128 бөхийн барилдаанд улсын арслан Х.Мөнхбаатар түрүүлж, улсын начин Э.Энхбат үзүүрлэн, улсын начин Б.Гончигдамба, аймгийн хурц арслан Р.Пүрэвдагва нар шөвгөрчээ /09.02/. Барилдааныг 5 жилийн ойгоо тэмдэглэж асан “Их үйлсийн эрэлд” ХХК ивээн тэтгэж байсан байна.

2012-2013 он: Улс, аймгийн алдар цолтой 208 бөхийн барилдаанд улсын начин Р.Пүрэвдагва түрүүлж, улсын начин Б.Батмөнх үзүүрлэн, аймгийн хурц арслан Ч.Батчулуун, Б.Одгэрэл нар шөвгөрсөн /09.10/. Харин Завхан аймгийн нэрэмжит АЦЦБЗБ-ийн нээлтийн барилдаанд /09.23/ аймгийн хурц арслан Ч.Батчулуун түрүүлж, аймгийн арслан Л.Лхаа-Очир үзүүрлэн, а.х.а Б.Одгэрэл, а.а П.Мөнхбат нар шөвгөрчээ.

2013-2014 он: Монгол бөхийг Дэлхийн дээд амжилтанд бүртгүүлсний хоёр жилийн ойд зориулсан барилдааныг АПУ ХК-тай хамтран зохион байгуулсан. 208 бөх зодоглож улсын заан Ч.Санжаадамба түрүүлж, улсын гарди Б.Гончигдамба үзүүрлэн, улсын начин Ц.Одбаяр, Т.Баасанхүү нар шөвгөрсөн /09.22/. Харин шинэ улирлын хамгийн анхны барилдаан 09-р сарын 21-нд сумын цолтны барилдаанаар эхэлж Завханы шилдэг сумын заанууд түрүү булаалдан П.Өсөхбаатар түрүүлж, Д.Бат-Эрдэнэ үзүүрлэж байжээ.

2014-2015: Шинэ улирал АЦЦБЗББ-аар эхэлж, Хараагүй хүмүүсийн хөдөлмөр сургалтын үйлдвэрийн 50 жилийн ойд зориулсан тус барилдаанд 208 бөх зодоглоход аймгийн хурц арслан Б.Одгэрэл түрүүлж, аймгийн арслан Ч.Ганзориг үзүүрлэн, а.х.а Д.Цэвэлсодном, а.а С.Ерөөлт нар шөвгөрсөн байна /09.07/. (Хувийн архиваас нэгтгэв. Цолыг тухайн үеийнхээр нь бичсэн болно.)

Харин өнөө жилийн барилдаанд, улсын арслан П.Бүрэнтөгс, Э.Оюунболд, улсын гарди Ш.Жаргалсайхан, улсын заан М.Өсөхбаяр, Б.Батмөнх, Б.Соронзонболд, улсын харцага Ц.Содномдорж, Ө.Бат-Орших нарын тэргүүтэй улс, аймгийн алдар цолтой хүчит 224 бөх уран мэх, ухаан бодол, бяр хүч, авхаалж самбааг сорин өрсөлдөхөд:

Түрүү: Хэнтий аймгийн Өмнөдэлгэр сумын харьяат, “Хан Хэнтийн Аварга” бөхийн дэвжээ, Хангарди СХ, УБ хотын ОСНААУГ, “Их Засаг” ОУИС, Хэнтий аймгийн ЦГ-ын бөх улсын шинэ залуу арслан Энхтөгсийн ОЮУНБОЛД

Үзүүр: Увс аймгийн Давст сумын харьяат, “Увс нуур” бөхийн гал, Алдар СХ, ЗХ-ний 350-р анги, “Сан” дээд сургууль, “ДЦС-IV” ТӨХК-ийн бөх улсын арслан Пүрэвийн БҮРЭНТӨГС

Их шөвөгт: Хөвсгөл аймгийн Тосонцэнгэл сумын харьяат, “Хөвсгөлийн хүчтэн” бөхийн дэвжээ, Хилчин СХ, ХЦ-ийн 0108-р анги, “Монос групп”-ын бөх улсын үнэн зоригт харцага Цэдэвийн СОДНОМДОРЖ; Дундговь аймгийн Эрдэнэдалай сумын харьяат, “Түшээт ханы Аварга” бөхийн дэвжээ, Алдар СХ-ны бөх улсын шинэ залуу начин Эрдэнэбатын ДАШ нар шалгарав.

Дөрвийн даваа:

1. у.ар П.Бүрэнтөгс – а.н Д.Аззаяа

2. у.ар Э.Оюунболд – а.н Ц.Ганбат

3. у.г Ш.Жаргалсайхан – а.х Н.Хүрэлсүх

4. у.з М.Өсөхбаяр – а.а Ж.Наранбаатар

5. у.з Б.Батмөнх – а.а Ч.Хөхчирэнгэр

6. у.з Б.Соронзонболд – а.а Ш.Пүрэвгарьд

7. у.х Ц.Содномдорж – а.а Б.Ганбаатар

8. у.х Ө.Бат-Орших – а.а Н.Ганзориг

9. у.х Д.Батболд – а.а Ш.Дарханбат

10. у.х Ө.Даваабатар – а.а С.Ерөөлт

11. у.х Ж.Амартүвшин – а.а Д.Анар

12. у.ө.и.н Ш.Уламбаяр – у.н Э.Даш

13. у.н П.Ганхүү – у.н Л.Цэрэнтогтох

14. у.н Ч.Баянмөнх – у.н Ц.Одбаяр

Тавын даваа:

1. у.ар П.Бүрэнтөгс – а.а Ш.Дарханбат

2. у.ар Э.Оюунболд – а.а Д.Анар

3. у.з Б.Батмөнх – а.а Ж.Наранбаатар

4. у.х Ц.Содномдорж – а.х Н.Хүрэлсүх

5. у.х Ө.Бат-Орших – у.н Ц.Одбаяр

6. у.х Ө.Даваабатар – а.а Ш.Пүрэвгарьд

7. у.н Л.Цэрэнтогтох – у.н Э.Даш

Зургаагийн даваа:

1. у.ар П.Бүрэнтөгс – Гоц мөргөв

2. у.ар Э.Оюунболд – у.н Ц.Одбаяр

3. у.х Ц.Содномдорж – а.а Ж.Наранбаатар

4. у.х Ө.Даваабатар – у.н Э.Даш

Долоогийн даваа:

1. у.ар П.Бүрэнтөгс – у.н Э.Даш

2. у.ар Э.Оюунболд – у.х Ц.Содномдорж

Наймын даваа:

1. у.ар П.Бүрэнтөгс – у.ар Э.Оюунболд