Арслан цолтны хүндэтгэлийн барилдаанд Арслан цолтон түрүүлэв

Хүнсний манлай үйлдвэр “Арвайн үндэс” ХХК-ийн нэрэмжит Монгол улсын АРСЛАН цолтой бөхчүүдэд хүндэтгэл үзүүлэх уламжлалт барилдаан /2015.05.09/ боллоо. Барилдааны хүндэтгэлийн хойморт Ц.Бадамсэрээжид, Б.Жамъяндорж, У.Мижиддорж, Л.Сосорбарам, Ө.Эрдэнэ-Очир, Ж.Хайдав, Б.Ганбаатар, Д.Мөнх-Эрдэнэ, Д.Ганхуяг нарын тэргүүтэй хүчит арслангууд суудлаа эзэлсэн байв.

1991 оны анхны барилдаанд улсын заан О.Балжинням /у.ав/, түрүүлж, улсын заан Д.Баяраа /у.г/ үзүүрлэж байсан бол өнгөрсөн жилийн барилдаан /2014.04.20/-нд улсын аварга С.Мөнхбат түрүүлэн, улсын заан Б.Батмөнх үзүүрлэн, улсын гарди Б.Гончигдамба, Ж.Бат-Эрдэнэ нар их шөвөгт шалгаран барилдаж байв.

Харин өнөө жилийн барилдаанд улсын арслан Н.Батсуурь, Д.Азжаргал, П.Бүрэнтөгс, улсын гарди И.Доржсамбуу, улсын заан Б.Батмөнх, Б.Соронзонболд нарын тэргүүтэй улс, аймгийн алдар цолтой хүчит 224 бөх уран мэх, ухаан бодол, бяр хүч, авхаалж самбааг сорин барилдсанаас:

Түрүү: Увс аймгийн Давст сумын харьяат, “Увс нуур” бөхийн дэвжээ, Алдар СХ, “ДЦС-IV” ТӨХК-ийн бөх улсын арслан Пүрэвийн БҮРЭНТӨГС

Үзүүр: Төв аймгийн Баянцогт сумын харьяат, “Дүнжингарав” бөхийн дэвжээ, “Гацуурт-Олимп” сургуулийн бөх улсын харцага Өлзийбатын ДАВААБААТАР

Их шөвөгт: Увс аймгийн Ховд сумын харьяат, “Увс нуур” бөхийн дэвжээ, Аврагч СХ, ДЦС-III, “Химон констракшн” ХХК-ийн бөх улсын арслан Намсрайжавын Батсуурь; Ховд аймгийн Чандмань сумын харьяат, “Ховд” бөхийн дэвжээ, Аврагч СХ, “Нью прогресс групп”-ын бөх улсын харцага Баатархүүгийн ПҮРЭВСАЙХАН нар шалгарав.

Дөрвийн даваа:

1. у.ар Н.Батсуурь – а.х Н.Хүрэлсүх

2. у.ар Д.Азжаргал – а.х Э.Энх-Амгалан

3. у.ар П.Бүрэнтөгс – а.а А.Саруулсайхан

4. у.з Б.Батмөнх – а.а Н.Батсайхан

5. у.х Ө.Бат-Орших – а.а Д.Энхбат

6. у.х А.Цацабшир – а.а П.Мөнхбат

7. у.х Д.Батболд – а.а Ч.Ганзориг

8. у.х Б.Пүрэвсайхан – ц.а Б.Ганзориг

9. у.х Ө.Даваабаатар – а.а Д.Амаржаргал

10. у.н Ж.Отгонбаяр – а.х.а О.Гантулга

11. у.н Р.Пүрэвдагва – а.х.а Д.Цэвэлсодном

12. у.н Н.Батзаяа – у.н Л.Лхаа-Очир

13. у.н Б.Амарзаяа – у.н Л.Цэрэнтогтох

14. у.н М.Эрдэнэбат – у.н Т.Баасанхүү

Тавын даваа:

1. у.ар Н.Батсуурь – у.н Ж.Отгонбаяр

2. у.ар Д.Азжаргал – у.х А.Цацабшир

3. у.ар П.Бүрэнтөгс – у.н Н.Батзаяа

4. у.х Ө.Бат-Орших – а.а Н.Батсайхан

5. у.х Б.Пүрэвсайхан – у.н М.Эрдэнэбат

6. у.х Ө.Даваабаатар – а.а Ч.Ганзориг

7. у.н Р.Пүрэвдагва – у.н Л.Цэрэнтогтох

Зургаагийн даваа:

1. у.ар Н.Батсуурь – Гоц мөргөв

2. у.ар Д.Азжаргал – у.х Ө.Даваабаатар

3. у.ар П.Бүрэнтөгс – у.н Л.Цэрэнтогтох

4. у.х Ө.Бат-Орших – у.х Б.Пүрэвсайхан

Долоогийн даваа:

1. у.ар Н.Батсуурь – у.х Ө.Даваабаатар

2. у.ар П.Бүрэнтөгс – у.х Б.Пүрэвсайхан

Наймын даваа:

1. у.ар П.Бүрэнтөгс – у.х Ө.Даваабаатар