Модон хонин жилийн сар шинийн барилдаанд у.з Санжаадамба түрүүлэв

Монгол түмний төрт ёсны их баяр, Билгийн тооллын XVII жарны “Галзууруулагч” хэмээх модон Хонин жилийн сар шинийн баярт зориулсан улс, аймгийн алдар цолтой хүчит 256 бөхийн уламжлалт барилдаан /2015.02.18/ үзүүштэй сайхан болж өнгөрлөө.

“Бага наадам” хэмээн нэрлэгддэг энэхүү барилдааныг МҮБХ, Төрийн ёслолын алба, Бурхан шашинтны төв, Гандантэгчинлин хийдтэй хамтран зохион байгуулдаг билээ.

Өнөө жилийн барилдаанд улсын дархан аварга Г.Өсөхбаяр, улсын аварга С.Мөнхбат, Г.Эрхэмбаяр, улсын арслан Д.Ганхуяг, Х.Мөнхбаатар, Н.Батсуурь, П.Бүрэнтөгс, улсын гарди Д.Рагчаа, Б.Гончигдамба, Ш.Жаргалсайхан нарын тэргүүтэй хүчтэнүүд уран мэх, бяр хүч, ухаан бодлыг уралдуулан зодоглов.

“Нэгдэлчдийн” гэх тодотголтойгоор зохиогдож эхэлсэн сар шинийн баярын анхны барилдаан /1963/-д дархан аварга Ж.Мөнхбат /улсын заан цолтой/ түрүүлж, улсын аварга Ч.Бээжин /улсын арслан цолтой/ үзүүрлэж байсан түүхтэй. Харин өнгөрсөн жилийн барилдаанд улсын гарди Д.Рагчаа түрүүлж, аймгийн арслан О.Хангай үзүүрлэсэн бол, өнөө жилийн барилдаанд:

Түрүү: Архангай аймгийн Хашаат сумын харьяат, “Бөхбилэгт” бөхийн дэвжээ, Хангарди СХ, “Ажнай корпораци”-ийн бөх улсын заан Чимэдрэгзэнгийн САНЖААДАМБА

Үзүүр: Булган аймгийн Бүрэгхангай сумын харьяат, “Булганхангайн хүчтэнүүд” бөхийн дэвжээ, Хилчин СХ, “Жигүүр гранд групп”-ын бөх улсын заан Мөнхсайханы ӨСӨХБАЯР

Их шөвөгт: Увс аймгийн Ховд сумын харьяат, “Увснуур” бөхийн дэвжээ, Аврагч СХ, “Химон констракшн” ХХК-ийн бөх улсын арслан Намсрайжавын Батсуурь., Архангай аймгийн Булган сумын харьяат, “Бөхбилэгт” бөхийн дэвжээ, Алдар СХ, “Их Засаг” ОУИС, “Хера холдинг” ХХК-ийн бөх улсын өсөх идэр начин Рэнцэнбямбын Пүрэвдагва нар шалгаран барилдав.

Дөрвийн даваа:

1. дар.а Г.Өсөхбаяр – а.а Ц.Чимэддорж

2. у.ав С.Мөнхбат – а.а Ч.Ганзориг

3. у.ав Г.Эрхэмбаяр – а.х.а А.Алтанхуяг

4. у.ар Х.Мөнхбаатар – а.х.а Ш.Мөнгөнбаатар

5. у.ар Н.Батсуурь – у.н Л.Лха-Очир

6. у.ар П.Бүрэнтөгс – у.н Т.Баасанхүү

7. у.г Д.Рагчаа – у.н Б.Сугаржаргал

8. у.г Б.Гончигдамба – у.н Б.Амарзаяа

9. у.г Ш.Жаргалсайхан – у.н М.Эрдэнэбат

10. у.з Ч.Санжаадамба – у.н П.Ганхүү

11. у.з М.Өсөхбаяр – у.н Ду.Батбаяр

12. у.з Б.Батмөнх – у.н Р.Пүрэвдагва

13. у.з Б.Соронзонболд – у.н Э.Энхбат

14. у.х Ө.Бат-Орших – у.х Э.Оюунболд

15. у.х Т.Мөнгөнцоож – у.х Б.Пүрэвсайхан

16. у.х Т.Өсөх-Ирээдүй – у.х Ц.Содномдорж 

“Эрдэнэт хивс” ХXК-иас “Хамгийн ёс жудагтай бөх”-ийн шагналаа дархан аварга Б.Бат-Эрдэнэд; Дархан аварга А.Сүхбат “Ирээдүйн аварга” шагналаа Завхан аймгийн Баянтэс сумын харьяат аймгийн арслан Ш.Пүрэвгарьдад; “Улаанбаатар хивс” ХК “Цахиур хагалах бөх”-ийн шагналаа Сүхбаатар аймгийн Онгон сумын харьяат аймгийн хурц арслан Ш.Мөнгөнбаатарт тус тус олгов. Мөн “Ситико-Аудит” ХХК-ийн “Хамгийн олон, хамгийн сайн барилдсан бөх” шагнал, “Монгол ташуур” ХХК-ийн хамгийн өндөр чансаатай шилдэг бөхийн шагналуудыг Архангай аймгийн Булган сумын харьяат улсын өсөх идэр начин Р.Пүрэвдагва гардав. “Бизкон Аудит” ХХК Шилдэг бөхийн зүтгэлтний шагналаа МҮБХ-ны дэд тэргүүн, МУСГЗ Д.Данзанд; “Кёкшюүзан хөгжил сан”-аас жил бүр нэг бөхөд Монгол гэр гардуулдаг уламжлалтай бөгөөд өнөө жил улсын харцага Ж.Борд гардуулав.

Тавын даваа:

1. дар.а Г.Өсөхбаяр – у.н Б.Амарзаяа

2. у.ав С.Мөнхбат – у.н Э.Энхбат

3. у.ав Г.Эрхэмбаяр – у.н Б.Сугаржаргал

4. у.ар Х.Мөнхбаатар – у.з М.Өсөхбаяр

5. у.ар Н.Батсуурь – у.г Ш.Жаргалсайхан

6. у.ар П.Бүрэнтөгс – у.х Б.Пүрэвсайхан

7. у.з Ч.Санжаадамба – у.х Т.Өсөх-Ирээдүй

8. у.х Э.Оюунболд – у.н Р.Пүрэвдагва

Зургаагийн даваа:

1. дар.а Г.Өсөхбаяр – у.з Ч.Санжаадамба

2. у.ар Н.Батсуурь – у.н Б.Сугаржаргал

3. у.ар П.Бүрэнтөгс – у.з М.Өсөхбаяр

4. у.н Э.Энхбат – у.н Р.Пүрэвдагва

Долоогийн даваа:

1. у.ар Н.Батсуурь – у.з М.Өсөхбаяр

2. у.з Ч.Санжаадамба – у.н Р.Пүрэвдагва

Наймын даваа:

1. у.з Ч.Санжаадамба – у.з М.Өсөхбаяр