Модон морин жилийн сар шинийн барилдаанд у.г Рагчаа түрүүлэв

Монгол түмний төрт ёсны их баяр, Билгийн тооллын XVII жарны “Ялгуусан” хэмээгч модон Морин жилийн сар шинийн баярт зориулсан улс, аймгийн алдар цолтой хүчит 256 бөхийн уламжлалт барилдаан /2014.01.30/ үзүүштэй сайхан болж өнгөрлөө.

“Бага наадам” хэмээн нэрлэгддэг энэхүү барилдааныг МҮБХ, Төрийн ёслолын алба, Бурхан шашинтны төв, Гандантэгчинлин хийдтэй хамтран зохион байгуулдаг билээ.

Өнөө жилийн барилдаанд улсын аварга С.Мөнхбат, Г.Эрхэмбаяр, улсын арслан Д.Ганхуяг, Х.Мөнхбаатар, Д.Азжаргал, П.Бүрэнтөгс, улсын гарди Д.Рагчаа, И.Доржсамбуу, Б.Гончигдамба, Э.Бат-Эрдэнэ, улсын заан Д.Баасандорж, М.Өсөхбаяр, Т.Санчир, Ч.Санжаадамба, Б.Батмөнх, Б.Соронзоболд нарын тэргүүтэй хүчтэнүүд уран мэх, бяр хүч, ухаан бодлыг уралдуулан зодоглов.

“Нэгдэлчдийн” гэх тодотголтойгоор зохиогдож эхэлсэн сар шинийн баярын анхны барилдаан /1963/-д дархан аварга Ж.Мөнхбат /улсын заан цолтой/ түрүүлж, улсын аварга Ч.Бээжин /улсын арслан цолтой/ үзүүрлэж байсан түүхтэй. Харин өнгөрсөн жилийн барилдаанд улсын аварга Г.Эрхэмбаяр /улсын арслан цолтой/ түрүүлж, улсын аварга С.Мөнхбат үзүүрлэсэн бол, өнөө жилийн барилдаанд:

Түрүү: Архангай аймгийн Булган сумын харьяат, “Бөх билэгт” бөхийн дэвжээ, Хүч СХ, Нийслэлийн хөдөлгөөнт эргүүлийн газар, “Макс групп”-ын бөх улсын гарди Дамбийн РАГЧАА

Үзүүр: Ховд аймгийн Буянт сумын харьяат, “Ховд” бөхийн дэвжээ, Аврагч СХ-ны бөх аймгийн арслан Оргихын ХАНГАЙ

Их шөвөгт: Завхан аймгийн Их-Уул сумын харьяат, “Засагт ханы Завхан” бөхийн дэвжээ, Алдар СХ, “Хөтлийн цемент шохой” ХК–ийн бөх улсын гарди Батнасангийн ГОНЧИГДАМБА., Архангай аймгийн Хашаат сумын харьяат, “Бөх билэгт” бөхийн дэвжээ, Хангарди СХ, “Ажнай корпораци”-ийн бөх улсын заан Чимэдрэгзэнгийн САНЖААДАМБА;

Дунд шөвөгт: Увс аймгийн Баруунтуруун сумын харьяат, “Увс нуур” бөхийн дэвжээ, Хилчин СХ, Хилийн цэргийн 0311-р анги, “Монголросцветмэт” нэгдлийн “Уурхайчин” клуб, “Алтай Ресурс” ХХК-ийн бөх улсын аварга Сүхбаатарын МӨНХБАТ., Хөвсгөл аймгийн Тосонцэнгэл сумын харьяат, “Хөвсгөлийн хүчтэн” бөхийн дэвжээ, Хилчин СХ, ХЦ-ийн 0108-р анги, “Монос” группын бөх улсын харцага Цэдэвийн СОДНОМДОРЖ., Увс аймгийн Сагил сумын харьяат, “Увс нуур” бөхийн дэвжээ, Алдар СХ, “Монголросцветмэт” нэгдлийн “Уурхайчин” клубын бөх улсын харцага Арслангийн БЯМБАЖАВ., Хэнтий аймгийн Өмнөдэлгэр сумын харьяат, “Хан Хэнтийн Аварга” бөхийн дэвжээ, Аварга БТДС-ийн оюутан улсын харцага Энхтөгсийн ОЮУНБОЛД нар тус тус шалгаран барилдав.

Нэгийн даваанд улсын том цолтонгуудаас: у.г И.Доржсамбуу Дорнод аймгийн Халхгол сумын харьяат а.н Ш.Нямсайханд., у.г Ж.Бат-Эрдэнэ Ховд аймгийн Дарви сумын харьяат а.н Балдиржамцын Тайванд., у.з Б.Батмөнх Ховд аймгийн Мөст сумын харьяат а.н Цэвээнпүрэвийн Адъяад., у.х Л.Пүрэвжав Завхан аймгийн Алдархаан сумын харьяат а.н.н Пүрэвдоржийн Батсүхэд., у.х Ө.Бат-Орших Баян-Өлгий аймгийн Булган сумын харьяат а.х Баянжаргалын Төмөрбаатар нарт тус бүр тахим буулгав...

Дөрвийн даваа:

1. у.ав С.Мөнхбат – а.а Н.Жаргалбаяр

2. у.ав Г.Эрхэмбаяр – а.а Ж.Алтаншагай

3. у.ар Х.Мөнхбаатар – а.а Ч.Ганзориг

4. у.ар Д.Азжаргал – а.а О.Хангай

5. у.г Д.Рагчаа – а.а Б.Суманчулуун

6. у.г Б.Гончигдамба – а.х.а О.Гантулга

7. у.з Д.Баасандорж – а.х.а Б.Одгэрэл

8. у.з Ч.Санжаадамба – а.х.а Ч.Батчулуун

9. у.з Б.Соронзонболд – у.н Б.Пүрэвсайхан

10. у.х Т.Өсөх-Ирээдүй – у.н Ц.Одбаяр

11. у.х А.Цацабшир – у.н Б.Амарзаяа

12. у.х Ц.Содномдорж – у.н Б.Сангисүрэн

13. у.х Ө.Даваабаатар – у.н Ч.Баянмөнх

14. у.х А.Бямбажав – у.н Л.Гантулга

15. у.х Н.Батсуурь – у.н П.Ганхүү

16. у.х Э.Оюунболд – у.н Д.Цогзолдорж

Тавын даваа:

1. у.ав С.Мөнхбат – у.н П.Ганхүү

2. уав Г.Эрхэмбаяр – у.х А.Бямбажав

3. у.ар Х.Мөнхбаатар – а.а О.Хангай

4. у.г Д.Рагчаа – у.з Д.Баасандорж

5. у.г Б.Гончигдамба – у.х Ө.Даваабаатар

6. у.з Ч.Санжаадамба – у.н Б.Амарзаяа

7. у.х Т.Өсөх-Ирээдүй – у.х Э.Оюунболд

8. у.х Ц.Содномдорж – у.н Б.Пүрэвсайхан

Зургаагийн даваа:

1. у.ав С.Мөнхбат – а.а О.Хангай

2. у.г Д.Рагчаа – у.х А.Бямбажав

3. у.г Б.Гончигдамба – у.х Ц.Содномдорж

4. у.з Ч.Санжаадамба – у.х Э.Оюунболд

 Долоогийн даваа:

1. у.г Д.Рагчаа – у.г Б.Гончигдамба

2. у.з Ч.Санжаадамба – а.а О.Хангай

Наймын даваа:

1. у.г Д.Рагчаа – а.а О.Хангай