“Бүх цэргийн наадам”-д Цэрэнтогтох түрүүлж хурц чимэг нэмэв

“Босго өндөр, булган сүүлтэй”  гэгддэг "Бүх цэргийн наадам-2013" Монгол бөхийн өргөө /2013.07.03/-нөө сайхан болж өнгөрлөө. Энэ жилийн барилдааныг Монгол улсын гавъяат хуульч, хурандаа генерал, улсын харцага Ж.Авхиагийн мэндэлсний 90 жилийн ойн нэрэмжит болгон зохион байгуулав.

Барилдаанд аймгийн хурц арслан Ч.Батчулуун, Ш.Мөнгөнбаатар, А.Алтанхуяг, Ш.Шинэбаяр, Б.Одгэрэл, О.Гантулга, Б.Батжаргал, аймгийн арслан Ч.Булганхүү, А.Сүмбээ, А.Отгонбаатар, М.Бат-Отгон, Д.Батжаргал, О.Баярхүү, Ё.Эрдэнэжаргал, М.Баярсайхан, Б.Хашбат, Б.Батхуяг, Б.Дэлгэрсайхан, Б.Суманчулуун /а.х.а-7., а.ц.а-79., а.ц.з-27., а.ц.х-24., а.ц.н-58., сумын цолтой 61/ нарын тэргүүтэй 256 бөх уран мэх, ухаан бодол, бяр хүчийг уралдуулан зодоглосноос:

Түрүү: Говь-Алтай аймгийн Цогт сумын харьяат, “Хантайшир” бөхийн дэвжээ, Хилчин СХ, ХЦ-ийн 0119-р анги, “Гео Мандал” ХХК-ийн бөх аймгийн арслан Лувсандоржийн ЦЭРЭНТОГТОХ /Хурц арслан чимэг/

Үзүүр: Дундговь аймгийн Эрдэнэдалай сумын харьяат, “Түшээт ханы аварга” бөхийн дэвжээ, Аврагч СХ, Нийслэлийн ОБ-ын Аврах, гал унтраах 14-р анги, “Эфис” худалдааны төвийн бөх аймгийн хурц арслан Алтангэрэлийн АЛТАНХУЯГ

Их шөвөгт: Завхан аймгийн Алдархаан сумын харьяат, “Засагт ханы Завхан” бөхийн дэвжээ, ЗХ-ний Барилгын цэргийн 017-р анги, “Сандэй” группийн бөх аймгийн заан Базаргүрийн Бадамсүрэн., Өвөрхангай аймгийн Өлзийт сумын харьяат, “Их Монголын хүчтэн” бөхийн дэвжээ, Хичлин СХ-ны бөх аймгийн заан Лутын БАТЗОРИГ нар шалгаран үлдэв.

Дөрвийн даваа:

1. а.х.а Ч.Батчулуун – с.з Б.Бат-Өлзий

2. а.х.а А.Алтанхуяг – а.н Н.Жаргалбаяр

3. а.х.а Б.Одгэрэл – а.х Д.Тогтохжаргал

4. а.х.а О.Гантулга – а.х О.Бундхорол

5. а.х.а Б.Батжаргал – а.х Ц.Бямба-Очир

6. а.а А.Отгонбаатар – а.х Ч.Ганзориг

7. а.а Б.Хашбат – с.з О.Хангай

8. ц.а Б.Ганзориг – а.з Д.Цэвэлсодном

9. а.а Т.Баасанхүү – а.з Л.Батзориг

10. а.а Б.Батжаргал – а.з Б.Бадамсүрэн

11. а.а Л.Лха -Очир – а.а Э.Оюунболд

12. а.а Л.Цэрэнтогтох – а.а П.Батхуяг

13. а.а Л.Шинэбаатар – а.а Д.Амарсайхан

14. а.а П.Мөнхбат – а.а П.Батмөнх

15. а.а Д.Энхбат – а.а Б.Ганхуяг

16. а.а Б.Эрдэнэхүү – а.а Ц.Чимэддорж 

Тавын даваа:

1. а.х.а А.Алтанхуяг – а.х О.Бундхорол

2. а.х.а Б.Одгэрэл – а.з Д.Цэвэлсодном

3. а.а А.Отгонбаатар – а.х Ц.Бямба-Очир

4. а.а Л.Цэрэнтогтох – а.а П.Мөнхбат

5. а.а Л.Шинэбаатар – а.з Б.Бадамсүрэн

6. а.а Д.Энхбат – с.з Б.Бат-Өлзий

7. а.а Б.Эрдэнэхүү – а.з О.Хангай

8. а.а Э.Оюунболд – а.з Л.Батзориг

Зургаагийн даваа:

1. а.х.а А.Алтанхуяг – с.з Б.Бат-Өлзий

2. а.а Л.Цэрэнтогтох – а.з Д.Цэвэлсодном

3. а.з Б.Бадамсүрэн – а.з О.Хангай

4. а.з Л.Батзориг – а.з Ц.Бямба-Очир

Ховд аймгийн Зэрэг сумын харьяат, “Ховд” бөхийн дэвжээ, “Шонхор” дээд сургуулийн оюутан сумын заан Баярхүүгийн Бат-Өлзий цэргийн начин цол хүртэв.

Долоогийн даваа:

1. а.х.а А.Алтанхуяг – а.з Л.Батзориг

2. а.а Л.Цэрэнтогтох – а.з Б.Бадамсүрэн

Наймын даваа:

1. а.х.а А.Алтанхуяг – а.а Л.Цэрэнтогтох