Нийслэлийн өдрийн барилдааны түүхэн товчоо

Он	Бөх/ тоо	Түрүү	Үзүүр	Их шөвөг
1994	208	дар.а Б.Бат-Эрдэнэ	у.ав О.Балжинням	у.г Ц.Цэрэнпунцаг, дар.а Х.Баянмөнх
1995	128	дар.а Б.Бат-Эрдэнэ	даян.а Г.Өсөхбаяр
1996	128	у.ав О.Балжинням	у.ар Д.Мөнх-Эрдэнэ
1997	128	дар.а Б.Бат-Эрдэнэ	даян.а Г.Өсөхбаяр
1998	160	у.г Б.Гантогтох	даян.а А.Сүхбат	у.ар Д.Мөнх-Эрдэнэ
1999	128	у.ав Д.Сумъяабазар	дар.а Бат-Эрдэнэ	у.з Ч.Батзориг, у.н М.Жамъянпүрэв
2000	128	дар.а Б.Бат-Эрдэнэ	у.ав Д.Сумъяабазар	у.ав О.Балжинням, у.х Н.Алтансүх
2001	128	у.ар Б.Ганбат	у.ар Д.Мөнх-Эрдэнэ	у.н М.Жамъянпүрэв, дар.а Б.Бат-Эрдэнэ
2002	128	дар.а Б.Бат-Эрдэнэ	у.г И.Доржсамбуу	у.х Ц.Магалжав, у.ар Д.Ганхуяг
2003	128	даян.а Г.Өсөхбаяр	даян.а А.Сүхбат	у.ар Д.Мөнх-Эрдэнэ, у.з Ц.Мягмарсүрэн
2004	128	даян.а А.Сүхбат	даян.а Г.Өсөхбаяр	у.з Ч.Батзориг, у.г Б.Гантогтох
2005	128	у.з Д.Рагчаа	у.ар Д.Азжаргал	у.н Н.Бүрэнбаатар, даян.а Г.Өсөхбаяр
2006	128	у.ав Д.Сумъяабазар	даян.а Г.Өсөхбаяр	у.ар Х.Мөнхбаатар, у.х Т.Мөнгөнцоож
2007	128	у.х Ц.Содномдорж	у.ар Д.Азжаргал	у.х Л.Пүрэвжав, у.н Ж.Чулуунбат
2008	128	у.ар Д.Ганхуяг	у.з Б.Соронзонболд	у.г И.Доржсамбуу, у.ар Х.Мөнхбаатар
2009	128	у.г И.Доржсамбуу	у.ар Х.Мөнхбаатар	у.х Д.Батболд, у.х Ц.Содномдорж
2010	128	у.ар Г.Эрхэмбаяр	у.з М.Өсөхбаяр	у.г Н.Ганбаатар, у.х Т.Өсөх-Ирээдүй

Жил бүрийн 10 дугаар сарын 29-нд Нийслэлийн өдөрт зориулсан улс, аймгийн алдар цолтой бөхчүүдийн барилдааныг зохион байгуулдаг болоод 18 жилийн нүүрийг үзсэн байна. Зохиогдож эхэлснээсээ л, наадмын дараачаар бөхчүүдийн цугларал болдог томоохон чансаа өндөртэй барилдаан байсаар ирсэн билээ.

Дээрхи статистик мэдээг харахул, дар.а Б.Бат-Эрдэнэ 5, у.ав Д.Сумъяабазар 2, даян. Г.Өсөхбаяр, А.Сүхбат, у.в О.Балжинням нар тус бүр 1 удаа түрүүлжээ. Өөрөөр хэлбэл, энэхүү барилдаан 17 удаа зохиогдоход 10 удаад нь аварга цолтой бөхчүүд түрүүлжээ /жич: Зарим нь аварга цолонд хүрээгүй байхдаа түрүүлсэн. Бөхчүүдийн цолыг одоогийнхоор нь бичив/. Харин долоод нь арслан цолтой бөх 3, гарьд цолтой бөх 2, заан цолтой бөх 1, харцага цолтой бөх 1 удаа түрүүлсэн байна.

Бөхчүүдийг тухайн үеийн цолоор нь авч үзвэл, у.х Ц.Содномдорж аймгийн арслан цолтой байхдаа түрүүлсэн нь хамгийн бага цолтойдоо түрүүлсэн тохиолдол бөгөөд, одоогийн цолоороо ч мөн адил бага цолтой нь байна.

Нийслэл Улаанбаатар хот үүсэн хөгжиж байгуулагдсаны 372 жилийн ой, Нийслэлийн өдөрт зориулсан барилдаан маргааш /2011.10.29/-нд 15 цагаас МБӨ-нд болно.