"Нутгаа дуурсгана” барилдааны Шигшээ барилдааны 1, 2-р тойрог

2010-05-09 15:14:21

/Энэхүү мэдээлэл нь өмнө jalkhanz.bblog.mn-d нийтлэгдсэн болно/

Нэгдүгээр тойрог:

“ХАНТАЙШИР” ба “ТАВАН ХАН” 21:15

“Хантайшир” дэвжээнээс у.г Н.Ганбаатар 5, а.а Л.Цэрэнтогтох 4, бусад нь буюу у.з Б.Соронзонболд, у.н Ду.Батбаяр, Д.Лхагвадорж, Ш.Тогтохбаяр нар тус бүр 3 давааг авсан бол “Таван хан” дэвжээнээс у.н Т.Өсөх-Ирээдүй 5, Н.Бүрэнбаатар 4, у.н Г.Эрхэмбаяр, а.а Ч.Баянмөнх нар тус бүр 3 давааг авчээ. Харин а.а Б.Одгэрэл, Б.Дэлгэрсайхан нар нэг ч даваа авч чадсангүй.

“булганхангай” ба “Увс нуур” 20:16

“Булганхангай” дэвжээнээс у.х Д.Баасандорж 5, у.г И.Доржсамбуу, у.н И.Ёндонсамбуу, а.а А.Отгонбаатар нар тус бүр 4, у.н Э.Энхбат 3 давааг авсан бол а.а А.Сүмбээ нэг ч даваа авч чадсангүй. Харин “Увс нуур” дэвжээнээс а.з Б.Ганзориг нэг ч уналгүй 6 давааг багтаа авч чадсан бол, а.а С.Батсуурь 3, Н.Ганзориг, а.н Н.Батсуурь, О.Гантулга нар тус бүр 2, а.з Б.Бадарч 1 давааг авсан байна.

“их монголын хүчтэн” ба “хөвсгөлийн хүчтэн” 18:18

“Их Монголын хүчтэн” дэвжээнээс у.ар Д.Ганхуяг, а.а Т.Санчир, Б.Сангисүрэн нар 4, у.з Б.Сайнбаяр, у.н П.Ганхүү, а.н Ц.Чимэддорж нар тус бүр 2 давааг авсан байна. Харин “Хөвсгөлийн хүчтэн” дэвжээнээс у.ар Х.Мөнхбаатар 5, у.н Ц.Содномдорж, а.а М.Эрдэнэбат нар 4, а.а А.Батмөнх 3, а.з Н.Баттүвшин, а.х Б.Ганхуяг нар тус бүр 1 давааг багтаа авсан байна.

ТОД: 7-9 байрын төлөө барилдах Архангай аймгийн “Бөх билэгт” дэвжээ Сүхбаатар аймгийн “Жавхлант” дэвжээдийн хоорондын барилдаан болсонгүй. Учир нь “Бөх билэгт” дэвжээнээс а.а Х.Мэндбаяраас бусад бөхчүүд нь эмчийн магадлагаагаар барилдах боломжгүй гэсэн тайлбар ирүүлсэн учир “Жавхлант” дэвжээ 3 оноогоо авч чадлаа.

Хоёрдугаар тойрог:

“булганхангай” ба “ХАНТАЙШИР” 15:21

“Булганхангай” дэвжээнээс у.х Д.Баасандорж 5, у.г И.Доржсамбуу, а.а А.Сүмбээ нар 3, у.н И.Ёндонсамбуу, а.а А.Отгонбаатар нар 2 давааг тус тус авсан бол у.н Э.Энхбатын хувьд хараахан даваа авч амжаагүй байна. “Хантайшир” дэвжээнээс у.н Д.Лхагвадорж 6, Ш.Тогтохбаяр 5, у.з Б.Соронзонболд, у.н Ду.Батбаяр, а.а Л.Цэрэнтогтох нар тус бүр 3 давааг авсан бол тун амжилттай барилдаж байсан у.г Н.Ганбаатар энэ удаад 1 давааг багтаа авсан байна.

“Хөвсгөлийн хүчтэн” ба “ТАВАН ХАН” 18:18

“Хөвсгөлийн хүчтэн” дэвжээнээс у.н Ц.Содномдорж 5, у.ар Х.Мөнхбаатар 4, а.а А.Батмөнх, а.з Н.Баттүвшин нар 3, а.х Б.Ганхуяг /у.н Б.Баянмөнх/ 2, а.а М.Эрдэнэбат 1 давааг тус тус багтаа авав. “Таван хан” дэвжээнээс у.н Г.Эрхэмбаяр, Т.Өсөх-Ирээдүй, а.а Ч.Баянмөнх нар 5, а.а Б.Одгэрэл 2, у.н Н.Бүрэнбаатар 1 давааг тус тус бол а.а Б.Дэлгэрсайхан нэг ч даваа авч чадсангүй.

“их монголын хүчтэн” ба “увс нуур” 18:18

“Их Монголын хүчтэн” дэвжээнээс а.а Б.Сангисүрэн 4, у.ар Д.Ганхуяг, а.а Т.Санчир, Б.Батдорж, а.н Ц.Чимэддорж нар 3, а.з Т.Мягмарсүрэн 2 давааг тус тус авсан байна. “Увс нуур” дэвжээнээс а.а С.Батсуурь, Б.Ганзориг, а.н П.Бүрэнтөгс нар 4, а.н Н.Батсуурь 3, О.Ганутлга 2, а.а Н.Ганзориг 1 давааг тус бүр багтаа авсан байна.

ТОД: 7-9 байрын төлөө барилдах Архангай аймгийн “Бөх билэгт” дэвжээ Завхан аймгийн “Завхан” дэвжээдийн хоорондын барилдаан мөн л болсонгүй. Учир нь “Бөх билэгт” дэвжээний бөхчүүд нь эмчийн магадлагаагаар барилдах боломжгүй гэсэн тайлбар ирүүлсэн учир “Завхан” дэвжээ “36:0”-оор 3 оноогоо авч чадлаа.