Начин цолны хүндэтгэлийн барилдаанд харцага Пүрэвжав түрүүллээ

Монгол улсын НАЧИН цолтой бөхчүүдэд хүндэтгэл үзүүлэх уламжлалт барилдаан боллоо /2010.11.14/. Уг барилдааныг тухайн жилд улсын начин цолонд хүрсэн залуу начингуудтай хамтран зохион байгуулж байх уламжлал тогтоод байгаа билээ.

Өнгөрсөн жилийн энэ барилдааныг “Сонголт” групп /Хабул бренд/-тэй хамтран /2010.01.03/ зохион байгуулсан бөгөөд, у.ар Д.Азжаргал түрүүлж, у.х Л.Пүрэвжав үзүүрлэн, у.з Д.Рагчаа, у.н Ду.Батбаяр нар их шөвөгт шалгарч байсан билээ.

Харин өнөө жилийн барилдаанд у.ар Д.Ганхуяг, у.з Б.Соронзонболд, у.х Л.Пүрэвжав, Д.Баасандорж, у.н И.Ёндонсамбуу, Ц.Лхагвасүрэн, Ц.Цогтжаргал, Т.Өсөх-Ирээдүй, Ж.Отгонбаяр тэргүүтэй бөхчүүд зодоглосноос:

Түрүү: Дундговь аймгийн Дэлгэрцогт сумын харьяат, “Хурцага” бөхийн дэвжээ, “Төвийн бүсийн цахилгаан дамжуулах сүлжээ" компанийн бөх өсөх идэр, үнэн зоригт харцага Лхагвасүрэнгийн ПҮРЭВЖАВ

Үзүүр: Архангай аймгийн Хашаат сумын харьяат, Алдар СХ, ЗХ-ний 310-р анги, “Хатант интернэйшнл” ХХК-ийн бөх цэргийн хурц арслан Чимэдрэгзэнгийн САНЖААДАМБА

Их шөвөгт: Сэлэнгэ аймгийн Орхонтуул сумын харьяат өсөх идэр начин Түвдэндоржийн ӨСӨХ-ИРЭЭДҮЙ, Баянхонгор аймгийн Баянбулаг сумын харьяат а.а Болдын ЭРДЭНЭХҮҮ нар шалгаран үлдэв.

Дөрвийн даваа:

1. у.ар Д.Ганхуяг - а.а Б.Эрдэнэхүү

2. у.з Б.Соронзонболд - а.а Л.Цэрэнтогтох

3. у.х Л.Пүрэвжав - а.а Б.Батмөнх

4. у.х Д.Баасандорж - а.а С.Батсуурь

5. у.н Ц.Лхагвасүрэн - ц.а Ч.Санжаадамба

6. у.н Ц.Цогтжаргал - у.н Н.Батзаяа

7. у.н Т.Өсөх-Ирээдүй - у.н П.Ганхүү

8. у.н Н.Бүрэнбаатар - у.н Д.Лхагвадорж

Тавын даваа:

1. у.з Б.Соронзонболд - а.а Б.Эрдэнэхүү

2. у.х Л.Пүрэвжав - а.а С.Батсуурь

3. у.н Т.Өсөх-Ирээдүй - у.н Н.Батзаяа

4. у.н Д.Лхагвадорж - ц.а Ч.Санжаадамба

Зургаагийн даваа:

1. у.х Л.Пүрэвжав - а.а Б.Эрдэнэхүү

2. у.н Т.Өсөх-Ирээдүй - ц.а Ч.Санжаадамба

Долоогийн даваа:

1. у.х Л.Пүрэвжав - ц.а Ч.Санжаадамба